Isu tisu vomoti tiseve nemutuvi
Imi henyu muri vadyi vezangira
Isu tisu vomuita vanamukweva hundi
Imi muri vanamukuya zviyo
Hezvo nhasi moti tinanzve mambava
Imi muchisvisvina mwongo
Motiita vana mutanha nhundurwa
Imi muri vadyi vematufu
Mukati tiite vana mukuya tsine
Imi muri vatswi vomupunga
Raramo yedu yoita shambanemisodzi
Imi muri vana mukaka idziva, mutuvi ndewembwa
Isu motiita vana muumba hunza
Imi muri vana mupwanya dura
Isu vana muteya mbeva
Nzou moriga mega henyuzve
Totodanwa mazita ekuti vana Mukokotera
Imi muri vana Mugapura Hunwa
Vurombo hwayo shiri kutonhorwa nechando
Mambava akatorwa nevangwaru
Tokambaira mubani remachakwi
Motserendenda ngware dzerugare
No comments:
Post a Comment